A Festa de San Froilán de Lugo 2024 é, sen dúbida, unha das celebracións máis emblemáticas e esperadas do outono galego. Declarada Festa de Interese Turístico Galego e Festa de Interese Turístico Nacional, este evento destaca polas súas famosas casetas de polbo, concertos de primeira categoría e citas tan icónicas como o Domingo das Mozas, que cada ano atraen a milleiros de visitantes á histórica «Cidade da Muralla» entre o 4 e o 12 de outubro.

Durante estes días, Lugo transfórmase nun auténtico festival de música, gastronomía e tradición. Desde fogos artificiais que iluminan o ceo ata charangas que animan as rúas, desfiles de cabezudos, tómbolas e espectáculos de maxia, o San Froilán ofrece unha infinidade de actividades para todos os gustos e idades. Se queres coñecer todos os detalles e non perderte nada, consulta aquí o programa e os concertos de San Froilán 2024.

Programa da Festa de San Froilán de Lugo 2024

As Festas de San Froilán 2024 darán comezo o 4 de outubro cun espectacular acendido das luces, un vibrante espectáculo de fogos artificiais, e o tradicional pregón na Praza Maior, que marcará o inicio dunha das celebracións máis esperadas do ano.

O 5 de outubro, día de San Froilán e festivo en Lugo, é o día grande das festas. Nesta xornada, mestúranse o fervor relixioso, con eventos solemnes como a misa na Catedral, co ambiente festivo que inunda as rúas, cheas de música, alegría e unha ampla variedade de actividades.

O colofón final ás festas deste 2024 chegará o 12 de outubro, coa gran Feira Medieval. Situada na Praza da Catedral e nos arredores da muralla romana, esta feira revive tempos antigos con cabaleiros, damas, xograres, oficios tradicionais e impresionantes exhibicións de cetrería que transportarán a visitantes a outra época.

Entre o inicio e o peche das festas, hai infinidade de oportunidades para gozar: desde saborear o tradicional polbo nas casetas, ata vibrar cos concertos programados, subir ás atraccións míticas como o Gran Prix, reencontrarse coa nosa cultura no “Domingo das Mozas” ou deixar que os máis pequenos vivan a súa propia festa no «San Froilán Miúdo«.

Aínda que o Concello de Lugo non publicou o programa oficial da Festa de San Froilán 2024, manterémoste informado de todos os detalles aquí, para que non perdas nada desta celebración única.

Concertos de San Froilán de Lugo 2024

Un dos grandes reclamos das Festas de San Froilán é, sen dúbida, a súa variada e completa axenda de concertos e actuacións musicais. O que comezou como encontros con bandas de música e gaitas, hoxe en día é unha festa onde conflúen estilos musicais para todos os gustos. Dende a música tradicional ata os sons máis contemporáneos, San Froilán ofréceche unha experiencia musical única en Galicia.

O programa de concertos do San Froilán 2024 continúa a sumar nomes destacados, e este ano contarase coa presenza de dous grandes da música: Coque Malla e Milladoiro. O exlíder dos Ronaldos actuará o venres 11 de outubro, mentres que a agrupación folk Milladoiro ofrecerá un recital moi especial o sábado 12 de outubro, con motivo do seu 45 aniversario. Ambos os dous concertos prometen ser algúns dos momentos máis destacados desta edición das festas de San Froilán, cunha mestura perfecta entre o rock enérxico de Malla e a música tradicional galega de Milladoiro.

Para que non perdas detalle e poidas planificar ben as túas noites de festa, aquí tes as actuacións que xa están confirmadas polo Concello de Lugo para esta edición de San Froilán 2024:

VENRES 4

• 10:00 h.
  Comeza a III Feira de Olería Lugo Tradicional (FOLT) na praza Santo Domingo, fronte á Praza de Abastos, aberta até as 21:00 h. Un espazo para descubrir a artesanía local e tradicional da olería.17:00 h.
  O VIII Espazo Hip Hop dá comezo na praza da Mosqueira, con batalla de galos e as actuacións de Gufi, La Nasa, Domínguez Flaco e Sosad.97. O evento durará até as 01:30 h.18:00 h.
  O XII Desfile de Gando tradicional percorre o tramo peonil da ronda da Muralla, pasando pola praza da Constitución, Campo Castelo, praza Maior e Bispo Aguirre, acompañado pola actuación de A Volta do Agro.

  20:00 h.
  Pregón a cargo da artista Luz Darriba, desde o balcón da Casa do Concello, marcando oficialmente o inicio das Festas de San Froilán.

  20:30 h.
  Os Pelúdez entre nós, xunto a Xigantes e Cabezudos, ofrecerán un espectáculo na praza Maior e Campo Castelo. Tamén estará presente A Volta do Agro animando o pregón.

  21:00 h.
  Pasarrúas da Banda Cántigas e Frores pola Tinería, rúa Nova e praza da Soidade.

  21:00 h.
  Concerto da Banda Filharmónica na praza Santa María, unha oportunidade para desfrutar de música clásica ao aire libre.

  22:00 h.
  Concerto de Fillas de Cassandra na praza Horta do Seminario, precedido polos teloneiros Verter GZ ás 21:00 h.

  23:00 h.
  A banda La Perra Blanco actúa na praza Santa María, cun estilo que mestura rock e blues.

  00:30 h.
  Peche da xornada coa banda Festicultores na praza Santa María, poñendo o broche final a un venres repleto de actividades.

SÁBADO 5 (San Froilán e Día de Ferrol)

• 10:00 h.
  Inauguración da III Feira de Olería Lugo Tradicional (FOLT), situada na praza Santo Domingo, fronte á Praza de Abastos. A feira estará aberta até as 21:00 h.10:00 h.
  Inicio do OKTOBERINK, organizado pola Asociación Galega de Arte Corporal. O evento inclúe sesións de tatuaxes e música, con actuacións como o concerto de Beach Avenue ás 13:30 h, exhibición de baile por Gravity ás 17:00 h, e concerto de La Indirigible ás 18:00 h.10:00 h.
  XXXI Feira do Mel na praza da Soidade. As actividades inclúen unha cata de mel ás 12:30 h e un obradoiro de globoflexia de 12:00 h a 14:00 h. A feira estará aberta até as 21:00 h.

  11:00 h.
  Comeza EXPOLUGO, unha exposición de razas autóctonas galegas na carpa xunto ao Vello Cárcere, que estará aberta até as 20:00 h.

  11:00 h.
  Recepción oficial á Corporación do Concello de Ferrol no salón de plenos da Casa do Concello.

  11:00 h.
  San Froilán Tecedeiro no parque Rosalía de Castro. Mostra e obradoiro de construción de pezas artesanais, abertos a todo o público até as 13:30 h.

  11:00 h.
  Feira de antigüidades e coleccionismo na rúa da Raíña, aberta todo o día.

  12:00 h.
  Ofrenda da Corporación Municipal a San Froilán na Catedral de Lugo.

  12:00 h.
  Pasarrúas de Falso Teito polos barrios de Albeiros e As Gándaras.

  13:00 h.
  XXI Festival de Cultura Tradicional na praza de Santa María, coas actuacións de Cántigas e Frores e Donaire.

  12:30 h.
  Actuación de Os Pelúdez pola praza Maior e recinto feiral.

  12:30 h.
  Actuación de Cantareiras D’Xanares na praza da Soidade.

  12:30 h.
  ACROCIRCUS, espectáculo de circo para toda a familia, na praza de Augas Férreas.

  13:00 h.
  O San Froilán Máxico no teu Barrio coa actuación do mago David Méndez na praza Agro do Rolo, na zona da Milagrosa.

  13:00 h.
  3º encontro de bandas na praza da Mosqueira, coas actuacións da Banda Filharmónica de Lugo e a Banda de Vilalba.

  13:00 h.
  Pasarrúas de Os Picurruchos polas rúas Dinán, San Roque e Montirón.

  13:00 h.
  Cabezudos e Caivanca polo Campo Castelo e praza Maior.

  17:00 h.
  San Froilán Tecedeiro continúa no parque Rosalía de Castro até as 20:00 h, con máis mostras e obradoiros artesanais.

  17:00 h.
  Segunda función de ACROCIRCUS na praza de Augas Férreas.

  18:00 h.
  San Froilán Máxico no teu Barrio na praza Agro do Rolo, con pases do mago David Méndez ás 18:00 h, 19:30 h e 21:00 h.

  18:00 h.
  Verbena galega d’antes na praza Maior. Obradoiro de bailes, merendas e a actuación de Airiños da Freba e @s bailador@s de Oxeito.

  19:00 h.
  Pasarrúas de Arrincadeira Folk por Recatelo, Puro Cora, Vila de Foz e o recinto feiral.

  19:00 h.
  Pasarrúas de Nubeiro polas rúas Mártires de Carral, San Pedro, Progreso e Rúa Nova.

  21:30 h.
  V Electronic Lucus Fest na praza da Mosqueira, con actuacións de DJ Frisco & Marcos Peón, Hugo Leivas, Manu Chady e Popy García até as 02:00 h.

  21:00 h.
  Concerto de Renaldo & Clara na praza Santa María.

  22:00 h.
  Concerto de Dollar Selmouni na praza Horta do Seminario, precedido polos teloneiros Sudaks & Kali la Negra ás 21:00 h.

  23:00 h.
  Verbena coa orquestra Escaparate na praza Maior.

  23:00 h.
  Concerto de Artistas del Gremio na praza Santa María.

  00:30 h.
  Peche da xornada con Festicultores na praza Santa María.

DOMINGO 6 (Domingo das Mozas)

• 10:00 h.
  A xornada comeza coa III Feira de Olería Lugo Tradicional (FOLT) na praza Santo Domingo, fronte á Praza de Abastos, que se prolongará até as 21:00h. Esta feira é unha oportunidade para descubrir o mellor da olería tradicional.Simultaneamente, terá lugar o OKTOBERINK, organizado pola Asociación Galega de Arte Corporal. O evento se desenvolverá desde as 10:00h até as 22:00h, cunha programación variada: ás 11:00h haberá sesión DJ, ás 13:30h o concerto de Nacarúh, ás 17:00h unha exhibición de baile a cargo de Gravity, e ás 18:00h o concerto de Sin Trom ni Son.10:00 h.
  Continúa a XXXI Feira do Mel na praza da Soidade, aberta até as 21:00h. Ás 12:30h haberá unha cata de mel, e entre as 12:00h e as 14:00h, un obradoiro de velas.11:00 h.
  Comeza a EXPOLUGO, unha exposición de razas autóctonas da Galiza, situada na carpa xunto ao Vello Cárcere. A exposición estará aberta até as 20:00h e contará con razas bovinas, ovinas, caprinas, porcinas, avícolas e equinas, entre elas a Cachena, Ovella Galega, Galiña de Mos e Can de Palleiro.

  No parque Rosalía de Castro terá lugar o San Froilán Tecedeiro, unha mostra artesanal con obradoiros de creación de pezas artísticas en materiais autóctonos, de 11:00h a 13:30h.

  11:00 h.
  Celebrarase a 52ª Edición do Desfile do Traxe Galego na praza Maior, un clásico da programación do Domingo das Mozas.

  11:30 h.
  A XXV Mostra de Música Tradicional Galega contará coa participación de agrupacións como A Gaita de Sarandón, Contiños da Feira, Herba Grileira, e moitos máis, que encherán o recinto histórico de sons tradicionais. As actuacións prolongaranse até as 13:30h e retomaranse pola tarde de 17:00h a 18:30h.

  12:00 h.
  Ofrenda floral a Rosalía de Castro no parque que leva o seu nome, a cargo de Marga Portomeñe e Ana Carrreira, acompañadas da actuación musical do Coro de Cántigas e Frores.

  12:30 h.
  Pasarrúas de A Volta do Agro polo barrio da Ponte e tamén dos Trastiños do Castelo pola Avenida Adolfo Suárez e o Sagrado Corazón.

  13:00 h.
  Os Cabezudos percorrerán o Campo Castelo e a praza Maior, seguidos polo espectáculo O San Froilán Máxico no teu Barrio coa actuación do Mago Antón na praza de Augas Férreas.

  17:00 h.
  Reanúdase o San Froilán Tecedeiro no parque Rosalía de Castro, onde o público poderá participar nos obradoiros de creación de 17:00h a 20:00h.

  17:30 h.
  Visita guiada polo cemiterio de San Froilán a cargo dos emblemáticos Pelúdez.

  18:00 h.
  Regresa o Mago Antón á praza de Augas Férreas con tres pases máxicos: ás 18:00h, 19:30h e 21:00h.

  18:30 h.
  Concerto de Carapaus na praza de Santa María.

  19:30 h.
  Pasarrúas da Foliada de Bosende pola Avenida da Coruña, praza Viana do Castelo e praza do Agro do Rolo, mentres Os Pelúdez continúan o seu percorrido pola praza Maior e o recinto histórico.

  20:00 h.
  Concerto de Belem Tajes na praza da Mosqueira, acompañado dos pasarrúas de Reviravolta polo Campo Castelo, rúa San Pedro, Raíña e praza Santo Domingo. Á mesma hora, na praza Santa María, actuarán Os Melidaos.

  22:00 h.
  O gran peche da xornada estará a cargo de Sés na praza Horta do Seminario, precedida polas teloneiras Filophóbicas ás 21:00h.

LUNS 7 (Día dos Maiores)

• 12:00 h.
  Pasarrúas a cargo de Foliada de Bosende, percorrendo as principais rúas do centro de Lugo: Progreso, Raíña, San Marcos, praza de Ferrol, Campo Castelo, San Pedro e Mártires de Carral. Esta agrupación tradicional encherá de música e baile o espazo urbano.18:00 h.
  A praza Maior vibrará coa verbena da orquestra STEREO, unha oportunidade para que os asistentes gocen dun repertorio de cancións populares e ritmos animados para todos os públicos.20:00 h.
  A música continúa coa actuación de Mr. Hathaway na praza da Mosqueira, mentres os pasarrúas de Reviravolta percorren o recinto histórico, pasando pola rúa Nova e a Tinería, levando o ambiente festivo a todas as esquinas do casco vello.21:00 h.
  Na praza de Santa María terá lugar o concerto de CLUB DEL RÍO, con Nebra como teloneiros ás 20:00h. Esta banda aportará un toque de frescura á programación musical.

  21:30 h.
  Pecha a xornada o concerto de Beach Avenue na praza da Mosqueira, pondo un broche de ouro ao día cunha actuación que seguro deixará bo sabor de boca aos asistentes.

MARTES 8

• 12:30 h.
  Pasarrúas de Nubeiro, que percorrerá as rúas Quiroga Ballesteros, praza Santo Domingo, praza da Soidade, Praza de Abastos e o Mercado Municipal. A música encherá de vida os espazos tradicionais do centro da cidade.19:00 h.
  Presentación do número 21 da Colección San Froilán dos Devanceiros: “Pelúdez. O libro II”, escrito por Xose de Cora, no Centro Cultural Vello Cárcere. Este evento celebra unha das figuras máis emblemáticas da cultura popular lucense.19:00 h.
  Pasarrúas de Estoupacaldeiros, comezando na praza de Augas Férreas e pasando pola Estrada da Granxa, Campos Novos, Afonso X, Avenida de Magoi e Acea de Olga, levando o ambiente festivo a distintas zonas da cidade.20:00 h.
  Concerto de NAHUAL na praza da Mosqueira, mentres o pasarrúas de Son de Lugh percorre a Ronda das Fontiñas e Montirón, enchendo os barrios de sons tradicionais.

  20:30 h.
  Actuación de TAMBUKDA polo recinto histórico, zona dos viños e a Tinería, un espectáculo que unirá tradición e innovación en espazos emblemáticos da cidade.

  21:00 h.
  Concerto de María Rodés na praza de Santa María, con motivo do décimo aniversario de María Rodés Canta Copla. O evento contará cos teloneiros La Alfombra Mágica ás 20:00 h.

  21:30 h.
  Concerto de Adrián Vigo na praza da Mosqueira para pechar esta intensa xornada de actividades musicais.

MÉRCORES 9

• 12:00 h.
  Pasarrúas de Caivanca, que percorrerá as rúas Progreso, Raíña, San Pedro, praza San Marcos, praza de Ferrol e Campo Castelo. A música encherá de enerxía o centro da cidade, animando a veciñanza e os visitantes.17:00 h.
  Actuación de “Pasmo de Pedra” a cargo de Mircromina Títeres, un espectáculo para público familiar que terá lugar na praza Maior, fronte á Casa do Concello. Unha oportunidade perfecta para gozar do teatro ao aire libre.19:00 h.
  Letra das Festas 2024, unha revista oral das Festas de San Froilán, titulada Historias da radio. Lembranzas e sucedidos das nosas festas, terá lugar no Centro Cultural Vello Cárcere. Participarán figuras locais como Félix Jorquera, Lourdes Abuide, Paco Nieto, Tonina Gai, e Juan Carlos, nun evento organizado pola sección de literatura de tradición oral da AELG.20:00 h.
  Dobre oferta de pasarrúas e concertos. Por un lado, Biouteiro-Astelu percorrerá as rúas Paxariños, Ramón Montenegro, Primavera, Carril das Hortas e Ronda das Fontiñas. Ao mesmo tempo, Cántigas e Frores encherá de música tradicional as zonas de Recatelo, Puro Cora e o Recinto Feiral.

  20:00 h.
  Concerto de Ringdown na praza da Mosqueira para os amantes do rock e sons contemporáneos.

  21:00 h.
  Concerto de Fetén Fetén na praza de Santa María, co espectáculo Miña terra no corazón, acompañado dos teloneiros Abya Yala ás 20:00 h.

  21:30 h.
  Concerto de Kalte Sonne na praza da Mosqueira para pechar a xornada cun toque musical enérxico.

XOVES 10

• 12:00 h.
  Pasarrúas de Cántigas e Frores polo recinto histórico, rúa Nova e Tinería. A música tradicional galega animará as rúas máis emblemáticas de Lugo.17:00 h.
  Actuación de “A Tómbola do Cromina” de Mircromina Títeres, un espectáculo para público familiar, na praza Maior fronte á Casa do Concello. Un evento que garante diversión para grandes e pequenos.20:00 h.
  Dobre oferta musical:
  Concerto de “The Groovefathers: Homenaxe a Telmo” na praza da Mosqueira, para os amantes do soul e funk.
  Ao mesmo tempo, os Falso Teito percorrerán a Avenida das Américas, Marqués de Ombreiro e o Barrio da Cheda cun animado pasarrúas.20:30 h.
  Actuación do Bloco Meigallo no recinto histórico, percorrendo a zona dos viños e a Tinería, cunha vibrante batucada que non deixará a ninguén indiferente.

  21:00 h.
  Concerto de Pedro Pastor y Los Locos Descalzos na praza de Santa María. Acompañados polos teloneiros Groove Mambí ás 20:00 h, o público gozará dunha noite chea de música e enerxía.

  23:00 h.
  Concerto de Triángulo de Amor Bizarro na praza de Santa María. Esta banda de rock alternativo pechará a xornada con sons intensos e vibrantes.

VENRES 11

• 11:30 h.
  Pasarrúas de Os Picurruchos pola rúa Quiroga Ballesteros, Mercado Municipal, Praza de Abastos e praza Santo Domingo. Unha mañá festiva coas melodías desta agrupación popular.17:30 h.
  Espectáculo itinerante “THE YETIS” de Campi qui pugui, un espectáculo teatral para público familiar. O percorrido inclúe a rúa alcalde Anxo López Pérez, Bispo Aguirre, praza Maior e Campo Castelo.19:00 h.
  O comezo do XIX SANFROIDANCE na praza da Mosqueira, unha festa de música electrónica con actuacións de DJ PANKO, PROFESOR ÁNGEL DUST, DJ ELOY, SR. WILSON & GRIFFI, DJ INO, DJ GRIFFI e VDJ DOBLE K, que se prolongará ata as 02:00 h.19:30 h.
  Continúa o espectáculo itinerante “THE YETIS” percorrendo as mesmas rúas, achegando diversión e animación a toda a familia.

  20:00 h.
  Pasarrúas de Airiños de Orbazai pola rúa Lamas de Prado, barrios do Castiñeiro e da Residencia.

  19:00 h.
  Os Pelúdez entre nós, visitando a exposición “Pelúdez nos fondos arquivísticos do Museo Provincial de Lugo”. Máis tarde, ás 20:00 h, tamén os poderás ver pola zona dos viños.

  21:00 h.
  Concerto de REPION na praza Santa María, precedido polos teloneiros JADE4 ás 20:00 h.

  22:00 h.
  Concerto de Coque Malla na Horta do Seminario. Teloneiros: Berta Franklin ás 21:00 h.

  23:00 h.
  Verbena coa orquestra COSTA DORADA na praza Maior e, á mesma hora, concerto de ZETAK na praza Santa María.

  00:30 h.
  Fin de festa coa DUENDENETA na praza da Soidade, para seguir bailando ata altas horas.

SÁBADO 12

• 11:00 h.
  Feira de antigüidades e coleccionismo na rúa da Raíña. Durante todo o día, poderás descubrir pezas únicas e artigos de colección.11:30 h.
  IV Saltar na Rúa – Milla Popular 40 aniversario LUCUS na praza Horta do Seminario. A milla popular comeza ás 11:30 h, seguida dunha exhibición de saltos ás 12:00 h.11:00 h.
  Inauguración da Volta ao Medievo ao carón da Catedral de Santa María. A feira medieval estará organizada pola Asociación de antigas alumnas e alumnos da Escola de Arte e Superior de Deseño Ramón Falcón, con actuacións musicais, desfiles e xogos até as 22:00 h.12:00 h.
  Pasarrúas de Treboada pola avenida da Coruña, río Sil e Barrio Paradai.

  12:30 h.
  Concerto da Banda Sons e Soños na praza Santa María, e simultaneamente, actuación de A Volta do Agro na praza da Soidade.

  12:30 h.
  Espectáculo itinerante “RAG & BONE” de XIP XAP TEATRE. Un espectáculo teatral para toda a familia que percorrerá as rúas dende o San Froilán Miúdo ata a praza Maior e Campo Castelo.

  13:00 h.
  Concerto de Foolmakers na praza da Mosqueira. Ao mesmo tempo, o San Froilán Máxico no teu Barrio co mago Xulio Merino na praza do Castiñeiro.

  13:00 h.
  Os cegos no Camiño – Encontro de romanceiros medievais e cegos de toda Galiza nas rúas San Pedro, Bo Xesús, praza Maior e praza Pío XII.

  17:30 h.
  Espectáculo itinerante “Go Go & Stay Stay Street” de Mimo’s Dixie Band, para público familiar, dende o San Froilán Miúdo ata a praza Maior.

  18:00 h.
  Novo pase de O San Froilán Máxico no teu Barrio co mago Xulio Merino na praza do Castiñeiro. Haberá pases tamén ás 19:30 h e 21:00 h.

  18:30 h.
  III Festival de Cultura Tradicional do San Froilán Miúdo na carpa do San Froilán Miúdo.

  19:00 h.
  Novo encontro de Os cegos no Camiño polas rúas San Pedro, praza Maior, praza do Campo e Bo Xesús.

  19:30 h.
  Continúa o espectáculo “Go Go & Stay Stay Street” polas rúas do centro histórico.

  20:00 h.
  Pasarrúas de Xaora polas rúas Montero Ríos, Rafael de Vega, Miguel de Cervantes e Castelao.

  19:00 h.
  San Froilán Sorrí con monólogos de David Amor e David Perdomo na praza da Mosqueira.

  21:00 h.
  VIII Concurso Miss Deusa, organizado polo Colectivo ALAS, tamén na praza da Mosqueira.

  21:00 h.
  Concerto de Paula Mattheus na praza Santa María.

  22:00 h.
  Concerto de Milladoiro celebrando o seu 45 aniversario na Horta do Seminario. Os teloneiros Milesios actuarán ás 21:00 h.

  23:00 h.
  Verbena coa orquestra Acordes na praza Maior e concerto de Mondra na praza Santa María.

Este ano, os concertos de San Froilán ofrecen un abano de estilos que vai dende a tradición ata o indie, pasando por o mellor da música urbana e electrónica. As festas prometen ser memorables, así que non esquezas reservar as datas no teu calendario e gozar ao máximo deste San Froilán 2024. ¡A música está servida!

Programa completo San Froilán Miudo.

Venres 4 de outubro

18:30 h.
Ritmo Lugo – Exhibicións de baile na carpa do San Froilán Miúdo. Unha mostra dinámica e divertida para todos os públicos, con danzas que van desde o tradicional até o moderno.

20:30 h.
Os Cabezudos e A Volta do Agro animarán a praza Maior (fronte á Casa do Concello) cun desfile cheo de cor e tradición, perfecto para toda a familia.

Sábado 5 de outubro

11:00 h.
Circus Feria de Bambolea na carpa do San Froilán Miúdo. Xogos de feira para todas as idades que inclúen motricidade, forza, coordinación e puntería, ideais para desfrutar en familia. (De 11:00h a 14:00h e de 16:00h a 18:00h).

12:30 h.
Acrocircus da Fundación Tchyminagua. Espectáculo de circo para toda a familia na praza de Augas Férreas.

13:00 h.
O San Froilán Máxico no teu barrio coa actuación do mago David Méndez na praza Agro do Rolo (zona A Milagrosa).

16:00 h.
Reapertura do Circus Feria de Bambolea na carpa do San Froilán Miúdo. Xogos de feira para todas as idades, de 16:00h a 18:00h.

17:00 h.
Acrocircus da Fundación Tchyminagua. Novo pase do espectáculo de circo na praza de Augas Férreas.

18:00 h.
O San Froilán Máxico no teu barrio coa actuación do mago David Méndez na praza Agro do Rolo (zona A Milagrosa). Pases ás 18:00h, 19:30h e 21:00h.

18:30 h.
Espectáculo Incredible Box da Compañía La Tal na Carpa do San Froilán Miúdo.

Domingo 6 de outubro

11:00 h.
LARUN de Jokai na carpa do San Froilán Miúdo. Colección de xogos de madeira inspirados na mitoloxía vasca. (De 11:00h a 14:00h e de 16:00h a 18:00h).

13:00 h.
Desfile de Cabezudos polo Campo Castelo e praza Maior.

13:00 h.
O San Froilán Máxico no teu barrio coa actuación do Mago Antón na praza de Augas Férreas.

16:00 h.
Reapertura de LARUN de Jokai na carpa do San Froilán Miúdo. Continuación da colección de xogos de madeira, aberta ata as 18:00h.

18:00 h.
O San Froilán Máxico no teu barrio coa actuación do Mago Antón na praza de Augas Férreas. Pases adicionais ás 19:30h e 21:00h.

18:30 h.
Espectáculo Távole de Circo Chosco na carpa do San Froilán Miúdo.

Luns 7 de outubro

18:30 h. «Rogelio III La Fête» de Assircopatas na carpa do San Froilán Miúdo.

Martes 8 de outubro

18:30 h. «Lullaby» de Compañía Proyecto Kavauri na carpa do San Froilán Miúdo.

Mércores 9 de outubro

17:00 h. Actuación de «Pasmo de Pedra» de Mircromina Títeres, espectáculo para público familiar na praza Maior fronte á Casa do Concello.

18:30 h. «Coa Música a Outra Parte» de Trécola Produccións na carpa do San Froilán Miúdo.

Xoves 10 de outubro

17:00 h. Actuación de «A Tómbola do Cromina» de Mircromina Títeres, espectáculo para público familiar na praza Maior fronte á Casa do Concello.

18:30 h. «Malabarian on the Rox» de Cia. Roxi Katcheroff na carpa do San Froilán Miúdo.

Venres 11 de outubro

17:30 h. «The Yetis». Espectáculo teatral itinerante para público familiar de Campi qui pugui. Percorrido: saída dende o San Froilán Miúdo na rúa alcalde Anxo López Pérez, Bispo Aguirre, praza Maior e Campo Castelo.

18:30 h. «Mute» de Oran Bi na carpa do San Froilán Miúdo.

19:30 h. «The Yetis». Espectáculo teatral itinerante para público familiar. Percorrido: saída dende o San Froilán Miúdo.

Sábado 12 de outubro

11:00 h. «Juega a lo Grande» na carpa do San Froilán Miúdo. Xogos artesáns de madeira para toda a familia. Das 11:00h ás 14:00h e das 16:00h ás 18:00h.

12:30 h. «Rag & Bone». Espectáculo teatral itinerante para público familiar de Xip Xap Teatre. Percorrido: saída dende o San Froilán Miúdo.

13:00 h. O San Froilán Máxico no teu barrio: actuación do Mago Xulio Merino na praza do Castiñeiro.

16:00 h. «Juega a lo Grande». Reapertura de xogos artesáns na carpa do San Froilán Miúdo.

17:30 h. «Go Go & Stay Stay Street». Espectáculo músico-teatral itinerante de Mimo´s Dixie Band.

18:00 h. O San Froilán Máxico no teu barrio: Pases ás 18:00, 19:30 e 21:00h.

18:30 h. III Festival Tradicional Infantil de Cántigas e Frores na carpa do San Froilán Miúdo.

19:30 h. «Go Go & Stay Stay Street». Espectáculo músico-teatral itinerante.

Programa de Actividades Paralelas – Expolugo

Exposición de Razas Autóctonas de Galicia

Sábado 5 e domingo 6:
Das 11:00 ás 20:00 h na carpa xunto ao Vello Cárcere.
Razas presentes:

• Bovino: Cachena, Caldelá, Frieiresa, Limiá, Vianesa e Rubia Galega.
• Ovino: Ovella Galega, Suffolk, Charolesa, Romanov, Churra e Texel negra.
• Caprino: Cabra Galega e Boer.
• Porcino: Porco Celta.
• Aves: Galiña de Mos e Galiña Piñeira.
• Equino: Pura Raza Galega.
• Cans: Can de Palleiro.

Venres 4 de outubro

18:00 h. Desfile de Gando.

O Vello Cárcere – Sábado 5 de outubro

11:00 h. «Que rumiar cando crías pequenos rumiantes. Primeiros pasos para a posta en marcha dunha granxa de ovino-cabrún». Por Miguel Viña Vázquez, veterinario de ADSG ACIVO, e Amaia Santamaría Benito, técnica de OVICA.
12:30 h. Mesa de expertos.
16:30 h. Asemblea ACIVO.
17:30 h. «Enfermidades emerxentes debido a parásitos externos». Por Ana Jamardo Cerneira, veterinaria de ADSG ACIVO.
18:00 h. Desfile de Gando.

Pazo de Feiras e Congresos de Lugo – Domingo 6 de outubro

10:00 h. «Plan sanitario integral de explotacións de gando vacún». Por D. José Antonio Fernández García, membro da xunta do Colexio de Veterinarios de Lugo.
10:45 h. «Terra e xente: Aprendendo do pasado, mirando ao futuro». Por D. Marcos Vázquez, Presidente do Colexio de Enxeñeiros Agrícolas.
11:30 h. «Da escola á granxa: Aposta polo futuro do rural desde a educación infantil e primaria». Por D. Carlos A. Rodríguez Rodríguez, enxeñeiro agrónomo.
12:00 h. «Proxecto Asoporcel: Trazabilidade dixital certificada por blockchain na cadea produtiva do Porco Celta». Por D. Mario Rouco Rey, enxeñeiro agrónomo de Innogando-Asoporcel.
12:30 h. «Proxecto Bio4trace: Biotecnoloxía para a trazabilidade en razas minoritarias». Por D. Roberto Besteiro Doval, investigador no CIAM-Asoporcel.

Exposiciones

Pelúdez nos fondos arquivísticos do Museo Provincial de Lugo

• Datas: Do 24 de setembro ás 19:00 h ao 27 de outubro
• Lugar: Refectorio do Museo Provincial de Lugo
• Comisariado por: María Begoña Fernández García e Brais Rodríguez Romero
• Coordinación: Aurelia Balseiro García, Directora do MPL

A Galicia cereira dos séculos XVIII e XX: velas, velóns e exvotos

• Datas: Do 30 de outubro ao 24 de novembro
• Horario:
  • De martes a sábado: 10:00 h a 13:30 h e 16:00 h a 20:30 h
  • Domingos: 10:00 h a 16:00 h
  • Lúns: Pechado
• Lugar: Museo Provincial de Lugo

O Clavi co San Froilán

• Día 4 ás 00:00 h: “Anna Colom”
• Día 5 ás 00:00 h: “Beater Jazz Collective”
• Día 9 ás 22:30 h: “Matt Pascale & The Stomps”
• Día 11 ás 00:00 h: “Sweet Martha & The Blues Shakers”
• Día 12 ás 00:00 h: “Aldakan”

Arte Sanfroilán

• 28ª Edición da Mostra de Artesanía
• Datas: Do 3 ao 12 de outubro
• Lugar: Praza de Anxo Fernández Gómez
• Horario:
  • De 11:00 h a 14:30 h
  • De 17:00 h a 21:00 h

As Casetas do Polbo no San Froilán de Lugo

Se hai algo que define as Festas de San Froilán en Lugo, son as emblemáticas casetas do polbo, onde se pode saborear o tradicional «pulpo á feira» nun ambiente auténtico e festivo.

Estas casetas, situadas no Parque de Rosalía, abren as súas portas cada ano do 1 de outubro ao 1 de novembro, converténdose nunha parada obrigatoria para veciños e visitantes que queren gozar desta delicia galega.

As casetas do polbo teñen unha longa e rica tradición no San Froilán. ¿Sabías que xa no ano 1846 hai rexistros de veciños pedindo casetas con teitos de palla para servir polbo durante as festas? A pesar desta antiga tradición, as casetas tal e como as coñecemos hoxe, construídas en madeira e coñecidas como «garigolos», comezaron a popularizarse nos anos 60, gañando gran notoriedade nas décadas dos 80.

Nestes «garigolos», as pulpeiras e pulpeiros preparan o polbo en caldeiros de cobre, seguindo as receitas e técnicas tradicionais que fan deste prato unha auténtica experiencia gastronómica. Visitar unha destas casetas non é só unha oportunidade de degustar un bo prato, senón de mergullarse nunha das tradicións máis entrañables e saborosas de Lugo.

O «Domingo das Mozas»

O «Domingo das Mozas» é unha das xornadas máis emblemáticas e esperadas das Festas de San Froilán en Lugo. En 2024, esta celebración terá lugar o domingo 6 de outubro, coincidindo co domingo posterior ao día de San Froilán, o 5 de outubro.

Pero, por que se chama «Domingo das Mozas»? A orixe do nome remóntase á antiga tradición de mozos e mozas das aldeas próximas que acudían a Lugo ese día para coñecer xente e, quizais, atopar parella. Hoxe en día, independentemente do motivo, o «Domingo das Mozas» segue sendo unha data máxica, onde as rúas de Lugo rebordan de visitantes e de alegría festiva.

Un dos aspectos máis destacados desta xornada é a presenza de veciños e visitantes vestidos co traxe tradicional galego, honrando así as nosas raíces e rendendo tributo ao folclore galego. A celebración inclúe tamén unha ofrenda floral a Rosalía de Castro, unha figura central da nosa cultura.

Nos últimos anos, a véspera do «Domingo das Mozas» dedicouse a celebrar o día de Ferrol, cidade coa que Lugo mantén unha irmandade especial. Este día inclúe un intercambio de visitas oficiais, fortalecendo os lazos entre ambas as cidades. Os ferroláns corresponden a esta honra durante as súas Festas de San Xiao, nun xesto de amizade e conexión cultural.

«San Froilán Miúdo»

O «San Froilán Miúdo» é o espazo dedicado exclusivamente aos máis pequenos durante as Festas de San Froilán. Este 2024, os nenos e nenas poderán gozar de máis de vinte actividades deseñadas especialmente para eles, convertendo estas festas nunha experiencia inesquecible para toda a familia.

Entre as actividades máis destacadas, o Festival Internacional de Marionetas merece unha mención especial. Este festival reúne algunhas das marionetas máis antigas e fascinantes de Europa, ofrecendo un espectáculo único que cautiva tanto a pequenos como a maiores.

Ademais, o «San Froilán Miúdo» contará con xogos populares, competicións deportivas, teatro, e monicreques, entre outras actividades que encherán de diversión e alegría as rúas de Lugo.

En canto se publique o programa definitivo do San Froilán Miúdo 2024, compartiremos aquí todos os detalles para que non te perdas nada e poidas planificar a mellor experiencia para os máis pequenos da casa.

Quen Era San Froilán?

As Festas de San Froilán, que se celebran dende 1754, renden homenaxe ao patrón da cidade de Lugo, unha figura cuxa historia está profundamente entrelazada coa tradición e a fe galegas.

San Froilán naceu en Lugo no ano 832, fillo dos condes da cidade. Desde moi novo, sentiu unha profunda inclinación pola vida relixiosa, que o levou a adoptar unha vida de ermitán nas montañas do Cebreiro e do Bierzo, onde buscaba a soidade e a comunión espiritual coa natureza.

Un dos episodios máis destacados da súa vida, segundo a tradición, ocorreu durante un dos seus retiros nas montañas. Mentres rezaba, un lobo atacou e devorou ao seu asno. Ante a traxedia, San Froilán mirou ao lobo con tal comprensión e tenrura que o animal, en vez de atacalo, inclinou a cabeza en sinal de sumisión. Desde entón, o lobo converteuse no seu fiel compañeiro, levando as súas alforxas polos camiños. Esta imaxe de San Froilán co lobo é a representación máis recoñecida e simbólica do santo.

A amizade de San Froilán con San Atilano, outro monxe devoto, foi tamén decisiva na súa vida. Xuntos dedicáronse á predicación e fundaron dous importantes mosteiros á beira do río Douro: Tábara e Moreruela de Tábara. A fama de San Froilán chegou ata os oídos do rei Alfonso III, que vía nel un aliado clave para a Reconquista. A súa reputación espallouse por Galicia e León, cidade da que chegou a ser bispo e onde finalmente foi enterrado na catedral.

Xa en vida, San Froilán era obxecto de gran devoción tanto en Lugo como en León. Anos despois da súa morte, o papa Urbano II canonizouno, elevándoo aos altares como santo.

San Froilán: De Santo a Patrón de Lugo

En 1600, a diocese de Lugo estableceu o día de San Froilán, o 5 de outubro, como festa eclesiástica, coincidindo co aniversario da súa morte. Cinco anos máis tarde, San Froilán foi proclamado patrón da cidade de Lugo.

Inicialmente, as festas de San Froilán estaban vinculadas a unha feira e mercado de gando, a maior de Galicia naquel tempo, onde se congregaban vendedores de froitas, mel e apeiros de labranza. Co paso dos anos, o carácter lúdico e festivo foi gañando protagonismo, converténdose nunha das celebracións máis populares de Galicia, cunha axenda repleta de actividades para todos os gustos.

Se visitas Lugo durante as Festas de San Froilán 2024, que terán lugar do 4 ao 12 de outubro, non podes deixar pasar a oportunidade de saborear o polbo nas emblemáticas casetas e de mergullarte no ambiente festivo que inunda cada recuncho da cidade.

Recomendacións para Disfrutar ao Máximo

Para que a túa experiencia sexa perfecta, aquí van algúns consellos que non debes esquecer:

• Chega con tempo: As rúas énchense de xente, sobre todo durante os concertos e as actividades principais. É recomendable chegar con antelación para coller un bo sitio e gozar sen aglomeracións.
• Viste cómodo: Outubro en Lugo pode ser fresquiño, así que leva roupa cómoda e adaptada ao clima. E non esquezas un bo calzado, xa que seguro que andarás bastante!
• Descubre Lugo: Aproveita as festas para coñecer mellor a cidade. Visita a Muralla Romana, a Catedral de Santa María ou déixate perder polas rúas do casco antigo. Lugo ten moito que ofrecer máis aló das festas, e seguro que che sorprenderá.

E despois de San Froilán… que tal probar o tenis en Bonxe?

As Festas de San Froilán son un momento perfecto para deixarse levar pola maxia de Lugo, pero unha vez que rematen, por que non probar algo novo? Se buscas unha actividade diferente para continuar co bo ambiente das festas, a escola de tenis en Bonxe é a opción ideal. Cun equipo de profesionais que che axudará a mellorar a túa técnica ou iniciarte no deporte, non hai mellor maneira de seguir activo e conectado coa natureza.

Non importa a túa idade ou nivel, en Bonxe todos son benvidos. Así que, despois de desfrutar do polbo e dos concertos, non esquezas pasar por Bonxe e descubrir o pracer de xogar ao tenis nun entorno privilexiado.