Se hai unhas zapatillas que nos unen a todxs xs tenistas, sen dúbida son as míticas zapatillas jhayber. Quen non recorda aquelas zapatillas que marcaron unha época? Todos temos na nosa memoria esas J’Hayber que fixeron historia nas pistas de tenis e fóra delas. Este post é unha homenaxe a esa marca que tanto nos acompaña, xeración tras xeración.

A historia de J’Hayber comeza en 1972, cando lanzan ao mercado a súa primeira zapatilla deportiva, chamada «Antorcha». Este modelo sentou as bases do que sería unha das marcas máis queridas no mundo do deporte. Pero foi na década dos 80 cando J’Hayber deu o gran salto, coa aparición dos modelos «Olimpo» e «Athenas», que rapidamente se converteron en referencia nas pistas de tenis, especialmente pola súa durabilidade e adaptabilidade. Eran tempos nos que o tenis estaba en auxe, e estas zapatillas estiveron presentes nos momentos máis importantes para moitos deportistas.

En 2009, J’Hayber recuperou o mellor dos seus deseños coa serie vintage, revisitando os clásicos que tanto éxito tiveron nos 80. Estes modelos non só teñen un valor nostálxico, senón que tamén incorporan as melloras técnicas necesarias para adaptarse ás necesidades actuais dos xogadores. Así, a marca logrou manterse relevante nun mercado cada vez máis competitivo, sen perder a súa esencia.

Aquí, en Galicia, onde o clima é frecuentemente adverso e as choivas son unha constante, as pistas de tenis quick son as máis comúns. Este tipo de superficie require un calzado específico que ofreza adherencia e seguridade, especialmente en condicións de humidade. E é aquí onde as J’Hayber destacan. O seu deseño, que combina materiais de alta calidade e unha suela adaptada ao mollado, fai que sexan a elección perfecta para moitxs tenistas galegxs.

No Tenis Cidade de Lugo (CDL), xunto con outros clubs amigos como o Clube Fluvial de Lugo, Clube de Tenis Muimenta, Clube de Tenis As Pontes, Clube de Tenis Vilalbés e moitos outros coincidimos en que non hai mellores zapatillas para xogar nestas condicións. A súa traxectoria e eficacia falan por si soas: as J’Hayber son sinónimo de confianza e rendemento.

Non hai raqueteiro en Galicia que non teña ou teña tido unhas J’Hayber no seu armario. Este feito é un testemuño do impacto e da relevancia desta marca no mundo do tenis galego. Máis alá de ser un simple accesorio, as J’Hayber convertéronse nunha parte esencial do equipo de calquera xogador que se enfronta ás esixentes condicións das nosas pistas.

Con este post queremos facer un pequeno guiño a unha marca que, durante décadas, foi máis que un simple nome. J’Hayber é historia viva do tenis, é a marca que nos acompaña nos nosos partidos máis duros, e tamén nos momentos de lecer. Por iso, para nós, seguir apostando por J’Hayber é seguir apostando por un compañeiro de viaxe que nunca nos falla.»